ناس تاكل رطب
وناس تتلفح الشمروخ
و ناس تمامها الضل
وناس م الشمس تدوخ
وناس معندهاش هموم
وناس همومها صاروخ
وناس ف عز و طرف
و الكرش سار منفوخ
و ناس تعبها الاكل
مش عارفة منه تخس
وناس طواها الألم
مبقتش بيه بتحس
و ناس بكل مودة
بتسد وقت الشدة
من غير مساعدة حد
تبنى جسور الامل
من غير وناش ولا عدة
لو حتى ف الدنمارك
ولا الصين و جدة
بس عقولهم شاردة
فالاهل والاحباب
وبلدهم غالية عليهم
والغربة قاسية وباردة
يتمنوا حضن الوطن
بس خايفين م الضم
يخلف ضلوعها بعيد
بزيارة وجع الغربة
والهم اللى ما يتلم
#محمدالبحيرى*
ناس تاكل رطب.. ابداع وتألق بقلم الشاعر.. محمد البحيرى
منشور
اسم الموقع 