** بمناسبة العام الهجري 1442**
أم القرى ..عاشق وهيمان
ــــــــــــــــــــــــــــــــــــــــــــــــــ
عاشق وهـــــيمان
والعشـق لــه آيات
يا اّيــه م الآيـــات // مش قادر أنســاكي
ومـــــــش الأول أنا
أدوب في سمــــاكي
هاجــر رسول الورىَ
وساب روحه ويا كي
كان أمـــــر من ربنا
يهـــــــجر وينساكي
يا اّيــه م الآيـــات // مش قادر أنســاكي
يا كعبــــــة أم القرى
رب العرش سواكــي
بالطيـــــــب والمسك
وكسوه حرير خلاكي
للمؤمـــنين رحمات
لو الذنــوب ألوفات
يا اّيه م الآيات // مش قـــادر أنساكي
مريد وطالب الرضا
من ربنا عنــــــــدك
أصل دوايا يا كــعبه
إني أعيـــــش جنبك
ولما جيتك وفارقتك
روحـــي بقت عندك
يا ترى تاني ها زورك
وللا ها موت بعيد عنِكْ
يا عظيمه في مجدِك
يا كبيره في هيبتك
الملايكه في دربك
بتدور سبع لفات
يا اّيه من الآيات // مش قادر أنساكي
سامي كامل الرفاعي .. شاعر وزجَّال .. عضو اتحاد كُتاب مصر
اسم الموقع 