*** سابق سنك
جسمـك فـاير فـايق سـنـك
بتطَلّع في عِنيَّـه ولاهـمـك
عيني بتعشـق منك حسنك
ودقـة قـلبي بتطـلـب ودك
لمسـة إيـدي بتسـأل عنـك
من عشقها تتخيـل ضمـك
وانت شقي و راكب جِنَّـك
في الملاغـيه عنـدك فـنَّـك
بسمه جميله وحركةجفنك
بتِـشغـل بـالي ولا بيهمـك
أمــا في دلالِ هــزة قــدِك
تزود نار أشـواقي لوردك
بـس حقيـقي تعــرف إنـك
كـل الـحُسـن بيطلـع منـك
لأني بحبك ما تسيئ ظنك
عيني تشوفـك تاكـل منـك
نِـفسي أسمـع نغمة همسك
لأن أديَّـه عـاوزه تضمـك
قِـلّـة نـومي بتشـتكي منـك
وقـلبي بيتألـم علي حُـزنك
يا اللي دلالك سـابق سنـك
كُـل المَكْـر دا يطلـع منـك
قلبي يعشق فيك واتشعلـق
وعيني مشغوله بمحاسنك
روحي بكل حنـان بتحبـك
لأنـك حـلو وسـابق سِـنـك
يا اللي نقش الورد رسمك
نفسي اقـطـف فُـلـة خــدك
——[مبروك البنا]—–
اسم الموقع 