منتدى بصمة اقلام للشعر والأدب والابداع الاكتروني

رسمت ضحكة فرح
بس العتاب موجود
العشق زي الوطن
لازم يكون له حدود
عشق الحليم نعام
وطبع الأصيل موجود
ولسه بغنيلك هوي
ووتر الحنين مشدود
وشارب ملحك دواء
من طلحك المنضود
فيه ناس تحب السكوت
وناس لو سكتت تموت
وناس غلابه تعشق وطن
وناس تبيعه من غير شروط
وناس تهيص وناس تخون
وناس بتلعب على كل لون
وناس فى مسرح ماسكة الخيوط
واحنا العرايس ويحركونا
احنا الغلابه وبيحكمونا
لافينا حوت ولا اخطبوط
ناكل نموت نشرب نموت
نزعق نموت من غير شروط
ياصبر جسرك تملى ضيق
ومين يعدى ومين يفوت
وكلامنا فاضى من عهد ماضى
وعلمونا معنى السكوت
بقلمي مصطفى ابوزيد